Read Time:2 Minute, 0 Second
(ފޮޓޯ ކްރެޑިޓްސް: ރައީސް އޮފީސް)
ދިވެހި ދައުލަތަށް 35 އަހަރަށްވުރެ ދިގު މުއްދަތަކަށް ޚިދުމަތްކޮށްފައިވާ މުވައްޒަފުންގެ އަގުވަޒަންކުރުމުގެ ގޮތުން ދޭ “ދައުލަތަށް ޚިދުމަތް ކުރުމުގެ އިނާމު” އަށް ނަން ހުށަހެޅުމުގެ ފުރުސަތު ޤައުމީ އިނާމާބެހޭ ކޮމިޓީން މިހާރު ވަނީ ހުޅުވާލާފައެވެ. ރައީސުލްޖުމްހޫރިއްޔާ ދެއްވާ މި ޝަރަފުވެރި އިނާމަށް މީހުން ހޮވުމުގައި ބަލާނީ މަގާމުގެ މަސްއޫލިއްޔަތު އަދާކުރުމުގައި ބެހެއްޓި އިޚްލާޞްތެރިކަމާއި، މުއައްސަސާގެ ކުރިއެރުމަށް ކޮށްފައިވާ މަސައްކަތްތަކުގެ އިތުރުން އެ މީހެއްގެ އަޚުލާޤީ މިންގަނޑަށެވެ. މި އިނާމަށް އަމިއްލަ ގޮތުން ނުވަތަ މުއައްސަސާތައް މެދުވެރިކޮށްވެސް ނަން ހުށަހެޅޭނެ ކަމަށާއި، ހުރިހާ ހުށަހެޅުމެއްވެސް އަންނަ ޖޫން މަހުގެ 11 ވަނަ ދުވަހުގެ މެންދުރުފަހު 2:00 ގެ ކުރިން ރައީސުލްޖުމްހޫރިއްޔާގެ އޮފީހުގެ “ފޯމު ހުށަހެޅުން” ޕޯޓަލް މެދުވެރިކޮށް ހުށަހަޅަންޖެހެއެވެ. އިނާމުގެ ގޮތުގައި ރައީސުލްޖުމްހޫރިއްޔާ ދެއްވާނީ އައްޑަނައަކާއި، ޝަރަފުގެ ބެޖެއްގެ އިތުރުން ހަނދާނީ ލިޔުމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0