Read Time:2 Minute, 13 Second
(ފޮޓޯ ކްރެޑިޓްސް: ރައީސް އޮފީސް)
މޫސުމީ ބަދަލުތަކުން ކުރިމަތިވާ ގޮންޖެހުންތަކުން އަރައިގަނެ، ބައިނަލްއަގުވާމީ މައިދާނުގައި މޫސުމީ އިންސާފު ހޯދުމަށް ކުދި ގައުމުތައް ގުޅިގެން ވަކާލާތު ކުރަންޖެހޭ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ސްރީލަންކާއަށް ކުރައްވާ ރަސްމީ ދަތުރުފުޅުގައި އެގައުމުގެ ރައީސް ދެއްވި ޖާފަތެއްގައި ވާހަކަފުޅު ދައްކަވަމުން ރައީސް ވިދާޅުވީ، އިންޑިއާ ކަނޑަކީ ދެ ގައުމު ގުޅުވައިދޭ އަދި އިގްތިސާދީ ނަފާ ފޯރުކޮށްދޭ މުހިންމު ފާލަމެއް ކަމަށާއި، މި ސަރަހައްދުގެ އަމާންކަމާއި ހަމަޖެހުން ކަށަވަރު ކުރުމަށް އެކުގައި މަސައްކަތް ކުރަންޖެހޭ ކަމަށެވެ. މީގެ އިތުރުން ރާއްޖެއާއި ލަންކާއާ ދެމެދު އޮތް ތާރީހީ ބަދަހި ގުޅުމަށް އަލިއަޅުއްވާލައްވައި، ތައުލީމީ، ސިއްހީ އަދި އިޖުތިމާއީ ދާއިރާއިން ދެ ގައުމުގެ ރައްޔިތުންގެ މެދުގައި އޮތް ގާތްކަން އެމަނިކުފާނު ފާހަގަކުރެއްވިއެވެ. ގޮންޖެހުންތަކުން އަރައިގަތުމުގައި ދެ ގައުމުން ދައްކާފައިވާ ސާބިތުކަމަށް ތައުރީފު ކުރައްވަމުން، ކުރިއަށް އޮތް ތަނުގައިވެސް މި އެކުވެރިކަން އިތުރަށް ވަރުގަދަވާނެ ކަމުގެ ޔަގީންކަން ރައީސް ދެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0