Read Time:2 Minute, 42 Second
(ފޮޓޯ ކްރެޑިޓްސް: އެކި.އެމްވީ)
ރައްޔިތުންގެ މަޖިލީހުގެ މެންބަރަކު އިންތިޚާބުވި ޕާޓީ ބަދަލުކޮށްފި ނަމަ ނުވަތަ ޕާޓީން ވަކިކޮށްފި ނަމަ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހު ސައްހަ ކަމަށް ސުޕްރީމް ކޯޓުން ވަނީ ހުކުމްކޮށްފައެވެ. މި އިސްލާހަކީ ގާނޫނުއަސާސީއާ ޚިލާފު ބަދަލެއް ކަމަށް ބުނެ ހުށަހެޅި ދުސްތޫރީ މައްސަލައިގައި ކޯޓުން ނިންމީ، މަޖިލީހަށް ގާނޫނުއަސާސީ އިސްލާހުކުރުގެ ބާރު އޮތްއިރު، މިއީ ދިމިގްރާތީ އުސޫލުތަކާ ފުށުއަރާ ކަމެއް ނޫން ކަމަށެވެ.
މިދިޔަ ނޮވެމްބަރު މަހު އަމަލުކުރަން ފެށި މި އިސްލާހުގެ ދަށުން، ޕާޓީން އަމިއްލައަށް ވަކިވުން، ޕާޓީން ވަކިކުރުން، އެހެން ޕާޓީއަކަށް ސޮއިކުރުން ނުވަތަ އަމިއްލަ މެންބަރަކު ޕާޓީއަކާ ގުޅުމަކީ ގޮނޑި ގެއްލޭނެ ހާލަތްތަކެވެ. ސުޕްރީމް ކޯޓުގެ ފަސް ފަނޑިޔާރުންގެ އަގުލަބިއްޔަތުން ނިންމެވި މި ހުކުމުގައި ފާހަގަކުރެއްވީ، އެންޓި-ޑިފެކްޝަން އުސޫލުތަކަކީ އެހެން ގައުމުތަކުގައިވެސް އަމަލުކުރާ، ދުސްތޫރީ ގޮތުން ސައްހަ އުސޫލުތަކެއް ކަމަށެވެ.
މި ނިންމުމާއެކު ރާއްޖޭގެ ސިޔާސީ ނިޒާމަށް ބޮޑު ހަމަޖެހުމެއް ލިބި، ފައިސާ ދީގެން މެންބަރުން ގަތުމުގެ ނުބައި ސަގާފަތް ނިމުމަކަށް އަންނާނެ ކަމަށް ބެލެވެއެވެ. މިއީ ރައްޔިތުންގެ ނިންމުމަށް އިހުތިރާމްކޮށް، މަޖިލީހުގެ ތެރޭގައި އޮންނަ ކޮރަޕްޝަން ހުއްޓުވުމަށް އެޅުނު މުހިންމު ފިޔަވަޅެއްގެ ގޮތުގައި ސަރުކާރު ހިންގާ ޕާޓީންނާއި ގިނަ ބަޔަކު ގަބޫލުކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0