Read Time:2 Minute, 52 Second
(ފޮޓޯ ކްރެޑިޓްސް: ރައީސް އޮފީސް)
ސްރީލަންކާގެ ރައީސް އަނޫރަ ކުމާރަ ޑިސަނަޔަކަ، ރާއްޖެއަކީ އެޤައުމުގެ އިޤްތިޞާދީ މުހިއްމު ބައިވެރިއެއްގެ ގޮތުގައި ސިފަކުރައްވައި، ދެޤައުމުގެ ޒަމާންވީ ގުޅުން އިތުރަށް ބަދަހިކުރުމަށް މަޝްވަރާކުރައްވައިފިއެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލަންކާއަށް ކުރައްވާ ފުރަމާނަ ދަތުރުފުޅުގައި ބޭއްވި ޕްރެސް ކޮންފަރެންސްގައި، ލަންކާގެ ރައީސް ވަނީ ރާއްޖެއަކީ އެޤައުމުން ތިންވަނައަށް އެންމެ ގިނައިން މުދާ ބޭރުކުރާ ޤައުމުކަން ފާހަގަކުރައްވައި، ވިޔަފާރީގެ ގުޅުން އިތުރަށް ފުޅާކުރުމުގެ މުހިއްމުކަން ބަޔާންކުރައްވާފައެވެ. އަދި ލަންކާއަށް ދާދިފަހުން ކުރިމަތިވި ފެންބޮޑުވުމުގެ ހާދިސާގައި ރާއްޖެއިން ވެދިން އެހީތެރިކަމަށް އެމަނިކުފާނު ޝުކުރު އަދާކުރެއްވިއެވެ.
ދެޤައުމުގެ ދެމެދުގައި ހަތް ދާއިރާއަކުން ފަހުމުނާމާތަކުގައި ސޮއިކުރެވުނުއިރު، މޫސުމަށް އަންނަ ބަދަލުތަކާ ދެކޮޅަށް މަސައްކަތް ކުރުމާއި، ބޯޓު ބަނުމާއި، ފަތުރުވެރިކަމުގެ ދާއިރާއިން ގުޅުން ބަދަހިކުރުމަށް ވަނީ ނިންމާފައެވެ. މީގެއިތުރުން، އިންޑިއާ ކަނޑުގެ ސަލާމަތާއި ރައްކާތެރިކަން ދެމެހެއްޓުމަށާއި ކަނޑުގެ ސަރަހައްދުގައި ހިންގާ ޣައިރު ޤާނޫނީ ޢަމަލުތައް ހުއްޓުވުމަށް ގުޅިގެން މަސައްކަތް ކުރުމަށްވެސް ދެ ރައީސުން އެއްބަސްވެވަޑައިގެންނެވިއެވެ. ހަމައެހެންމެ، ދެޤައުމުގެ ހައިކޮމިޝަންތައް ހިންގުމަށް ބިން ހަމަޖެއްސުމުގެ އެންމެ ފަހުގެ މަރުހަލާތައް ކުރިއަށްދާކަންވެސް ލަންކާގެ ރައީސް ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0