Read Time:2 Minute, 9 Second
ދުނިޔޭގެ ނޫސްވެރިކަމުގެ މިނިވަންކަމުގެ ދުވަހުގެ މުނާސަބަތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ދެއްވި ހިތާބުގައި، ނޫސްވެރިންގެ ހައްގުތައް ރައްކާތެރިކޮށް، ތެދު މައުލޫމާތު ފަތުރާ މަހައުލެއް ބިނާކުރުމަށް ބާރުއަޅުއްވައިފިއެވެ. ރައީސް ވިދާޅުވީ އިންސާނީ ހައްގުތަކާއި ސުލްހަ ގުޅިފައިވަނީ ނޫސްވެރިކަމުގެ މިނިވަންކަމާ ކަމަށާއި، މި ސަރުކާރުން މީޑިއާތަކަށް ދައުލަތުގެ ބަޖެޓުން ފައިސާ ދިނުމާއި “މީޑިއާ ވިލެޖު” ގާއިމުކުރުން ފަދަ މުހިންމު ވައުދުތައް ފުއްދަމުންދާ ކަމަށެވެ. މީގެ އިތުރުން، ސަރުކާރު ޒިންމާދާރުކުރުވުމަށް ކުރާ ބިނާކުރުވަނިވި ފާޑުކިޔުންތަކަށް މަރުހަބާ ވިދާޅުވާކަމަށާއި، “މޯލްޑިވްސް 2.0” ގެ ތަސައްވުރުގެ ދަށުން ނޫސްވެރިންނަށް ޓެކްނޮލޮޖީގެ ރަނގަޅު ފުރުސަތުތަކާއި ރައްކާތެރި މާހައުލެއް ހޯއްދަވައިދެއްވާނެ ކަމަށް ވިދާޅުވިއެވެ. ހަމައެހެންމެ، އިސްލާމީ އަހުލާގީ މިންގަނޑުތަކުގެ ތެރެއިން ޒިންމާދާރުކަމާއެކު ހަބަރު ފެތުރުމަށާއި، ދޮގު މައުލޫމާތާއި އާޓިފިޝަލް އިންޓެލިޖެންސް ބޭނުންކޮށްގެން އުފައްދާ ފިތުނަތަކަށް ސަމާލުވުމަށް ރައީސް އިލްތިމާސްކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0