Read Time:2 Minute, 9 Second
(ފޮޓޯ ކްރެޑިޓްސް: މިހާރު)
މޯލްޑިވްސް ބިއުރޯ އޮފް ސްޓެޓިސްޓިކްސްގެ “ލޭބާ ފޯސް ރިޕޯޓު 2024-2025” އިން ދައްކާގޮތުގައި މާލޭގައި ވަޒީފާ އަދާކުރާ ދިވެހިންގެ 53.3 އިންސައްތަ ނުވަތަ 44,015 މީހުން މަސައްކަތްކުރަނީ ދައުލަތުގެ އެކި މުއައްސަސާތަކުގައެވެ. މާލޭގެ މަސައްކަތު އާބާދީގައި 188,062 މީހުން ތިބިއިރު، އޭގެ ތެރެއިން 68 އިންސައްތައަކީ ދިވެހިންނެވެ. ވަޒީފާގެ ބާޒާރުގެ ބޮޑުބައި ހިއްސާކުރަނީ ވިޔަފާރި އާއި ދަތުރުފަތުރު ހިމެނޭ ޓާޝިއަރީ ދާއިރާއިން ކަމަށްވާއިރު، ބިދޭސީންގެ 88.6 އިންސައްތަ މަސައްކަތްކުރަނީ އަމިއްލަ ވިޔަފާރިތަކުގައެވެ.
މި ރިޕޯޓުން އެނގޭ ގޮތުގައި ވަޒީފާ ނެތް މީހުންގެ ރޭޓަކީ 2.3 އިންސައްތައެވެ. ނަމަވެސް ވަޒީފާ އަދާކުރާ އަންހެނުންނާއި ފިރިހެނުންގެ މެދުގައި ބޮޑު ފަރަގެއް އެބަހުއްޓެވެ. އެގޮތުން ފިރިހެނުންގެ 87.7 އިންސައްތަ ވަޒީފާގައި އުޅޭއިރު، އަންހެނުންގެ ތެރެއިން ވަޒީފާގައި އުޅެނީ 54 އިންސައްތައެވެ. މަސައްކަތުގެ ބާޒާރުން ބޭރުގައި ތިބި އަންހެނުންގެ ތެރެއިން ގިނައީ ގޭތެރޭގެ މަސައްކަތް ކުރާ މީހުން ކަމަށާއި، ފިރިހެނުންގެ ތެރެއިން ގިނައީ ކިޔަވާ ކުދިންކަން ފާހަގަކުރެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0