Read Time:1 Minute, 53 Second
(ފޮޓޯ ކްރެޑިޓްސް: ރައީސް އޮފީސް)
ޣާޒީ ރަދުންގެ އާސާރުތައް ދިރުވައި އާބާތުރަ ފިލުވުމުގެ ޤައުމީ މަޝްރޫޢުގެ ދަށުން ހއ. އުތީމު، ތަކަންދޫ އަދި ބާރަށުގައި ކުރިއަށްދާ މަސައްކަތްތައް މިއަހަރުގެ ޤައުމީ ދުވަހަށް ނިންމުމަށް ސަރުކާރުން އަމާޒު ހިފާފައިވާކަމަށް ފަންނާއި ސަޤާފަތާއި ތަރިކައާބެހޭ ވަޒީރު ހީނާ ވަލީދު ވިދާޅުވެއްޖެއެވެ. މި މަޝްރޫޢުގެ ތެރެއިން އުތީމުގައި ސްޓޯރީ ފޮރެސްޓް ޕާކަކާއި އިސްރަށްވެހިންގެ ޕާކެއް ހެދުމުގެ އިތުރުން، އުތީމު ގަނޑުވަރާއި އެރަށުގެ އާސާރީ މިސްކިތް މަރާމާތުކުރުން ހިމެނެއެވެ. ތަކަންދޫގައި ހިރިގަލުގެ މަސައްކަތްތަކާއި އަލިތަކުރުފާނުގެ ހަނދާނީ މަރުކަޒެއް ތަރައްޤީކުރާއިރު، ބާރަށުގައިވެސް އާސާރުތައް ރައްކާތެރިކުރުމުގެ މަސައްކަތްތަކެއް ފެށުމަށް ވަނީ ތައްޔާރުވެފައެވެ. އާރްޑީސީއާ ހަވާލުކޮށްގެން ކުރިއަށްގެންދާ މި މަސައްކަތްތަކުގެ މައިގަނޑު މަޤްޞަދަކީ ރާއްޖޭގެ ތާރީޚީ ތަރިކަ ރައްކާތެރިކޮށް އަންނަން އޮތް ޖީލުތަކަށް ފޯރުކޮށްދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0