Read Time:1 Minute, 57 Second
(ފޮޓޯ ކްރެޑިޓްސް: އިސްލާމީކަންތައްތަކާބެހޭ ވުޒާރާ)
1447 ވަނަ އަހަރުގެ ޙައްޖު މިޝަންގެ މެމްބަރުންނާ އިސްލާމީކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު މިއަދު ބައްދަލުކުރައްވައިފިއެވެ. މި ބައްދަލުކުރެއްވުމުގައި ވަޒީރު ވަނީ ޙައްޖުވެރިންނަށް ފުރިހަމަ ޚިދުމަތްދީ، އެމީހުންނާ ގާތުން މަސައްކަތްކޮށް، ދިމާވާ ދަތިތަކަށް ޙައްލު ހޯދައިދިނުމަށް އިލްތިމާސްކުރައްވާފައެވެ.
މިއަހަރުގެ ޙައްޖު މިޝަންގެ ވެރިޔަކަށް މޯލްޑިވްސް ޒަކާތު ހައުސްގެ ޑީޖީ އައްޝައިޚް އިމްތިޠާއު ޢައްބާސް ހަމަޖައްސަވާފައިވާއިރު، އިރުޝާދު ދެއްވާ ޝައިޚަކީ ޑރ. އިލްޔާސް ޙުސައިންއެވެ. ޖުމްލަ 10 މެމްބަރުންގެ މައްޗަށް އެކުލެވޭ މި މިޝަން މާދަމާ ސައުދީއަށް ފުރާނެއެވެ. މިޝަންގެ މައިގަނޑު މަސައްކަތަކީ ޙައްޖުވެރިން ދިއުމުގެ ކުރިން ހޮޓަލާއި، ކެއިންބުއިމާއި، ދަތުރުފަތުރު އަދި ސިއްޙީ އިންތިޒާމްތައް ސައުދީގެ މިންގަނޑުތަކަށް ފެތޭތޯ ކަށަވަރުކުރުމެވެ. ރާއްޖޭގެ ޙައްޖުވެރިން ފުރަން ފަށާނީ މި މަހުގެ 15 ވަނަ ދުވަހުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0