Read Time:1 Minute, 59 Second
(ފޮޓޯ ކްރެޑިޓްސް: ރައީސް އޮފީސް)
ދުނިޔޭގެ ނޫސްވެރިކަމުގެ މިނިވަންކަމުގެ ދުވަހާ ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ނޫސްވެރިން ވަކިފަރާތަކަށް ނުޖެހި، އަޚްލާޤީ މިންގަނޑުގެ ތެރެއިން ޒިންމާދާރުކަމާއެކު މަސައްކަތްކުރުމަށް ގޮވާލައްވާފައެވެ. އެމަނިކުފާނު ފާހަގަކުރެއްވި ގޮތުގައި މިނިވަން މީޑިއާއަކީ ދިމިޤްރާތީ ވެރިކަމެއް ދެމެހެއްޓުމަށާއި، ޤައުމުގެ ތަރައްޤީއާއި ޞުލްޙަ މަސަލަސްކަމަށް ނުހަނު މުހިންމު ދައުރެއް އަދާކުރާ ބައެކެވެ. ސަރުކާރުން އަބަދުވެސް މިނިވަން މީޑިއާއަށް އެއްބާރުލުން ދޭނޭކަމުގެ ޔަޤީންކަން ދެއްވަމުން، ނޫސްވެރިކަމުގެ މާހައުލު ތަނަވަސްކޮށްދިނުމަށާއި މަޢުލޫމާތު ހޯދުމުގައި ހުރި ގޮންޖެހުންތައް ނައްތާލުމަށް މަސައްކަތް ކުރަމުންދާކަން ރައީސް ހާމަކުރެއްވިއެވެ. މީގެއިތުރުން، އާންމު މަސްލަހަތު ހިމާޔަތްކުރުމަށް ނޫސްވެރިން ކުރާ މަސައްކަތަށް ތައުރީފްކުރައްވައި، ރައްޔިތުންނަށް ސައްޙަ ތެދު މަޢުލޫމާތު ފޯރުކޮށްދިނުމަށް އެމަނިކުފާނު އިލްތިމާސްކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0