Read Time:2 Minute, 33 Second
ކޮންމެ އަހަރެއްގެ މޭ 3 ވަނަ ދުވަހަކީ ބައިނަލްއަޤުވާމީ ނޫސްވެރިކަމުގެ މިނިވަންކަމުގެ ދުވަހެވެ. 1993 ވަނަ އަހަރުން ފެށިގެން އދ. އިން ފާހަގަކުރާ މި ދުވަހަކީ، ދައުލަތުގެ ހަތަރުވަނަ ބާރުގެ ގޮތުގައި ބެލެވޭ ނޫސްވެރިކަމުގެ މުހިންމުކަން ހާމަކޮށްދޭ ދުވަހެކެވެ. ނޫސްވެރިންނަކީ ވެރިކަން ބަދަލުކުރުމާއި ރައްޔިތުންގެ ވިސްނުން ބަދަލުކުރުމުގެ ބާރު ލިބިފައިވާ ބަޔަކަށްވާތީ، އެ ބާރުގެ ބޭނުން ހިފަންވާނީ ވަރަށް ޒިންމާދާރުކަމާއެކުގައެވެ. މިއަދުގެ ދުނިޔޭގައި ޓެކްނޮލޮޖީ ކުރިއަރާފައިވީ ނަމަވެސް، ރައްޔިތުން އެންމެ ބޮޑަށް އިތުބާރު ކުރަނީ ނޫސްވެރިން ފޯރުކޮށްދޭ މަޢުލޫމާތަށެވެ. އެހެންކަމުން، ދޮގު މަޢުލޫމާތު ފެތުރުމާއި ނަފުރަތު އުފެއްދުމުން ދުރުހެލިވެ، މަޢުލޫމާތުގެ ސައްޙަކަން ކަށަވަރުކުރުމަކީ ނޫސްވެރިންގެ ބޮޑު ޒިންމާއެކެވެ. ދިވެހިރާއްޖޭގެ ޤާނޫނުއަސާސީން ނޫސްވެރިކަމުގެ މިނިވަންކަމަށް ފުރިހަމަ ހިމާޔަތް ދީފައިވަނީ ޑިމޮކްރަސީއެއްގައި ނޫސްވެރިންގެ ދައުރު މުހިންމުވުމުންނެވެ.
އަޅުގަނޑުމެންނަކީ އިސްލާމީ ޤައުމަކަށްވާއިރު، ނޫސްވެރިކަމުގެ މިނިވަންކަމުގެ ބޭނުން ހިފަންވާނީ އިސްލާމީ އުޞޫލުތަކާއި އިޖުތިމާޢީ މިންގަނޑުތަކުގެ ތެރޭގައެވެ. މިއަދު ރާއްޖޭގައި ނޫސްވެރިންނަށް ކަންކަން ރިޕޯޓްކުރުމާއި ސަރުކާރަށް ފާޑުކިޔުމުގެ ފުރިހަމަ މިނިވަންކަން ވަނީ ކަށަވަރުކޮށްދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0