Read Time:2 Minute, 35 Second
(ފޮޓޯ ކްރެޑިޓްސް: ރައީސް އޮފީސް)
ދިވެހިރާއްޖެއާއި ސްރީލަންކާއަކީ 1965 ވަނަ އަހަރުން ފެށިގެން ސިޔާސީ ގުޅުން ގާއިމުކޮށް، ސަގާފީ އަދި އިގްތިސާދީ ގޮތުން ގާތް ގުޅުމެއް ބާއްވަމުން އަންނަ ދެ ގައުމެވެ. ޚާއްސަކޮށް ތައުލީމީ، ސިއްހީ އަދި ވިޔަފާރީގެ ދާއިރާއިން ލަންކާއަކީ ދިވެހިންނަށް މުހިންމު ޚިދުމަތްތަކެއް ފޯރުކޮށްދޭ ގައުމެކެވެ. ރާއްޖޭގެ މިނިވަންކަމުގެ އެއްބަސްވުމުގައި ސޮއިކުރެވުނީވެސް ލަންކާގައި ކަމަށްވާއިރު، ދެ ގައުމުގެ ދެމެދުގައި އޮތީ އިހުތިރާމާއި އަޚުވަންތަކަމުގެ ވަރުގަދަ ގުޅުމެކެވެ.
ލަންކާގެ ރައީސް ރާއްޖެއަށް ކުރެއްވި ފުރަމާނަ ދަތުރުފުޅުގައި ތައުލީމު، މަސްވެރިކަން، ދަނޑުވެރިކަން އަދި ކަނޑުގެ ސަލާމަތް ފަދަ ދާއިރާތަކުން ގުޅުން ބަދަހިކުރުމަށް މަޝްވަރާކުރައްވައި، ގާނޫނީ އަދި ޚާރިޖީ ދާއިރާއިން އެއްބާރުލުން ދިނުމުގެ އެއްބަސްވުންތަކުގައި ވަނީ ސޮއިކުރައްވާފައެވެ. މީގެއިތުރުން، ލަންކާއަށް ދިމާވި ފެންބޮޑުވުމުގެ ހާދިސާގައި ރާއްޖެއިން ފޯރުކޮށްދިން ބޮޑު އެހީތެރިކަމަކީ ދެ ގައުމުގެ ގާތްކަން ހާމަކޮށްދޭ ކަމެކެވެ. ދިވެހިންނަށް ލަންކާއިން 90 ދުވަހުގެ އޮން އެރައިވަލް ވިސާ ދޭން ފަށާފައިވާއިރު، ރާއްޖޭގެ އާސަންދަ ސްކީމުގެ ދަށުން ބޭސްފަރުވާގެ ޚިދުމަތްވެސް އެ ގައުމުން ލިބެއެވެ. މި ގުޅުމަކީ ދެ ގައުމުގެ އިގްތިސާދަށާއި ރައްޔިތުންނަށް ނުހަނު ފައިދާހުރި ޒަމާންވީ ގުޅުމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0