Read Time:1 Minute, 54 Second
ސްޕެއިންގެ ބާސެލޯނާގައި މިމަހު ކުރިއަށްދިޔަ ދުނިޔޭގެ އެންމެ ބޮޑު ކަނޑުމަހުގެ އުފެއްދުންތަކުގެ މައުރަޒުގައި ރާއްޖޭގެ މަސްވެރި ކުންފުނިތަކުން ބައިވެރިވެ، ދިވެހި މަސްވެރިކަން ބައިނަލްއަޤްވާމީ މައިދާނުގައި އިޝްތިހާރުކޮށްފިއެވެ. “ގްލޯބަލް ސީފުޑް މާކެޓްޕްލޭސް” ގައި ބޭއްވި ޚާއްސަ ހަރަކާތެއްގައި، ރާއްޖޭގެ ދޮށީގެ މަސްވެރިކަމަކީ ތިމާވެއްޓާ ރައްޓެހި އަދި ދެމެހެއްޓެނިވި އުސޫލުތަކުގެ މައްޗަށް ބިނާވެފައިވާ ސިނާޢަތެއްކަން ވަޒީރު އަޙްމަދު ޝިޔާމް ފާހަގަކުރެއްވިއެވެ. މީގެ އިތުރުން، އެމެރިކާގެ “ސީފުޑް ވޮޗް” ޕްރޮގްރާމުން ރާއްޖޭގެ މަސްވެރިކަމަށް ޚާއްސަ ރޭޓިންއެއް ދީފައިވާއިރު، މިއީ މިފަދަ ރޭޓިންއެއް ވަކި ޤައުމަކަށް ދިން ފުރަތަމަ ފަހަރެވެ. އަދި ރާއްޖޭގެ ކަޅުބިލަމަހުގެ އިތުރުން ކަންނެލީގެ މަސްވެރިކަމަށްވެސް އެމް.އެސް.ސީ ސެޓިފިކޭޝަން ލިބުމާއެކު، ރާއްޖެ ހިމެނިފައިވަނީ ދުނިޔޭގެ ނިސްބަތުން ކަނޑުމަހުގެ މަސްވެރިކަން ސެޓިފައި ކުރެވިފައިވާ މަދު ޤައުމުތަކުގެ ތެރޭގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0