Read Time:2 Minute, 12 Second
(ފޮޓޯ ކްރެޑިޓްސް: ޝޯޝަލް މީޑިއާ)
މެދުއިރުމަތީގެ ހަނގުރާމައާ ގުޅިގެން ދުނިޔޭގެ ބާޒާރުގައި ތެލުގެ އަގު އުފުލުނު ނަމަވެސް، ދިވެހި މަސްވެރިންނަށް ދިމާވާ ދަތިތަކަށް ހައްލު ހޯދައިދިނުމަށް ސަރުކާރުން ވަނީ ހަރުދަނާ ފިޔަޅުތަކެއް އަޅާފައެވެ. އެގޮތުން ރައީސުލްޖުމްހޫރިއްޔާގެ އިރުޝާދުގެ މަތިން، މަސްވެރިކަމުގެ ސިނާއަތް ހުއްޓުނަނުދީ ކުރިއަށް ގެންދިއުމަށްޓަކައި އެސްޓީއޯގެ ޝެޑް ރޭޓުގައި މަސްވެރިންނަށް ތެޔޮ ލިބޭނެ އިންތިޒާމު މިހާރު ވަނީ ހަމަޖައްސާފައެވެ.
މި މަސައްކަތުގެ ދަށުން، މިފްކޯއަށް މަސްކިރުވާ އުޅަނދުތަކަށް ހަނގުރާމަ ފެށުމުގެ ކުރިން ތެޔޮ ހުރި ހެޔޮ އަގުގައި ތެޔޮ ފޯރުކޮށްދިނުމުގެ އިތުރުން، އެސްޓީއޯގެ ޝެޑްތައް ހުރި 13 ރަށަކުން މަސްވެރިންނަށް ފަސޭހަކަމާއެކު ތެޔޮ ލިބޭނެ މަގު ވަނީ ފަހިކޮށްދީފައެވެ. ސަރުކާރުގެ އަމާޒަކީ މަސްވެރިން މަހަށް ފުރަން ނުޖެހި ތިބެންޖެހޭ ހާލަތްތައް ނައްތާލައި، ދާއިރާގެ ޚަރަދުތައް ކުޑަކޮށްދިނުމެވެ. މިހާތަނަށް މި ހަރުދަނާ ސިޔާސަތުގެ ދަށުން 1.1 މިލިއަން ލީޓަރަށްވުރެ ގިނަ ތެޔޮ މަސްވެރިންނަށް ދޫކޮށްފައިވާއިރު، ތެޔޮ ހުސްނުވެ ލިބޭނެކަމުގެ ޔަގީންކަން ސަރުކާރުން އަބަދުވެސް ދެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0