Read Time:2 Minute, 11 Second
(ފޮޓޯ ކްރެޑިޓްސް: ރައީސް އޮފީސް)
ޝަރުޢީ ދާއިރާ އިސްލާހުކުރުމަށްޓަކައި ޖުޑީޝަލް ކައުންސިލް އަލުން އެކުލަވައިލުމަށް ޤާނޫނަށް ބަދަލުތަކެއް ގެންނަވަން ނިންމަވާފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ވިދާޅުވެފައެވެ. ރައީސް ފާހަގަކުރެއްވި ގޮތުގައި މިހާރު ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) ޖޭއެސްސީގެ ދަށުގައި އޮތުމުން ޝަރުޢީ ދާއިރާއަށް ނުފޫޒު ފޯރުވުމުގެ ފުރުސަތު އޮތް ނަމަވެސް، އަލަށް ގެންނަ އިސްލާހާއެކު ޑީޖޭއޭއާއި އޭގެ އިސްވެރިޔާ ޖަވާބުދާރީވާން ޖެހޭނީ އުއްތަމަ ފަނޑިޔާރާއި ޖުޑީޝަލް ކައުންސިލަށެވެ. މީގެ އިތުރުން ކޯޓުތަކުގެ ހިންގުމުގައި އިސް ފަނޑިޔާރުންގެ ބާރު ކުޑަވެ، އެޑްމިނިސްޓްރޭޓަރުންނަށް ބާރު ލިބޭގޮތަށް އޮތް އޮތުން ބަދަލުކޮށް، ޝަރުޢީ ނިޒާމުގެ މިނިވަންކަން ކަށަވަރުކުރައްވާނެ ކަމަށްވެސް ރައީސް ވިދާޅުވިއެވެ. މި އިސްލާހީ މަސައްކަތްތަކުގެ އިތުރުން މަޖިލިސް މެންބަރުންގެ އަދަދު މަދުކުރުމާއި، އަންހެނުންނާއި ޒުވާނުންނަށް މަޖިލީހުން ޚާއްސަ ފުރުސަތުތަކެއް ދިނުމަށް ޤާނޫނަށް ބަދަލުތައް ގެންނަވާނެ ކަމަށްވެސް އެމަނިކުފާނު ހާމަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0