Read Time:2 Minute, 23 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ބޭރު ފައިސާގެ ގާނޫނު ތަންފީޒުކުރުމުގެ ސަބަބުން ދައުލަތުގެ ދަރަނިތައް ދެއްކުމަށް ބޮޑު އެހީތެރިކަމެއް ލިބިފައިވާކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހާމަކޮށްފިއެވެ. އެގޮތުން، 2021 ވަނަ އަހަރު ސަރުކާރުން ވިއްކި 500 މިލިއަން ޑޮލަރުގެ ސުކޫކާއި އޭގެ ކޫޕަން ޕޭމަންޓަށްވާ ޖުމުލަ 524.68 މިލިއަން ޑޮލަރު، ރަސްމީ ރިޒާވާއި ސޮވެރިން ޑިވެލޮޕްމަންޓް ފަންޑު (އެސްޑީއެފް) ބޭނުންކޮށްގެން މި މަހުގެ 2 ވަނަ ދުވަހު ވަނީ ދައްކާ ޚަލާސްކޮށްފައެވެ.
އެމްއެމްއޭއިން ފާހަގަކުރި ގޮތުގައި، ބޭރު ފައިސާގެ އާމްދަނީއާއި ލިކިއުޑިޓީ އިތުރުކުރުމަށް ގެނައި އިސްލާހުތަކުގެ ނަތީޖާއަކީ ރާއްޖޭގެ މާލީ ނިޒާމު ހަރުދަނާވެ، ދަރަނި އަދާކުރުމަށް ކުރިއެރުން ލިބުމެވެ. މި ބަދަލުތަކަކީ ސަރުކާރާއި ދައުލަތުގެ އިދާރާތައް ގުޅިގެން ގެނައި މުހިންމު އިސްލާހުތަކެކެވެ. މީގެ އިތުރުން، އެސްޑީއެފްއަށް ބޭރު ފައިސާ ޖަމާކުރުމާއި އެއާޕޯޓް ފީއަށް ގެނައި ބަދަލުތަކަކީ ދަރަނި އަދާކުރުމަށް އެޅުނު ހަރުދަނާ ފިޔަވަޅުތަކެކެވެ. ސަރުކާރުން މިހާރު އެންމެ އިސްކަންދެނީ އަސާސީ ޚިދުމަތްތައް މެދުނުކެނޑި ފޯރުކޮށްދިނުމަށާއި، އަބޫދާބީ ފަންޑަށް ދައްކަންޖެހޭ 100 މިލިއަން ޑޮލަރުގެ ބޮންޑު ރޯލްއޯވަރުކުރުމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0