Read Time:2 Minute, 5 Second
(ފޮޓޯ ކްރެޑިޓްސް: ޕީއެންސީ)
ރާއްޖޭގެ މުސްތަގުބަލް އުޖާލާކޮށް، ކޮރަޕްޝަން ނައްތާލައި ޑިމޮކްރަސީ ހަރުދަނާކުރުމަށްޓަކައި ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއް ދުވަހެއްގައި ބޭއްވުމަށް ފެންނަ ކަމަށް ވޯޓު ދެއްވުމަށް ރައީސް ޑރ. މުހައްމަދު މުއިއްޒު އެދިވަޑައިގެންފިއެވެ. ރައީސް ވިދާޅުވީ ދެ އިންތިހާބު ވަކިން ބޭއްވުމަކީ ގައުމަށް ގެއްލުންހުރި، ބޭކާރު ހަރަދުތަކެއް ހިނގާ ކަމެއް ކަމަށާއި، އެއް ދުވަހެއްގައި އިންތިހާބު ބޭއްވުމުން ސަރުކާރުގެ ނުފޫޒެއް ނެތް، މިނިވަން އަދި އިންސާފުވެރި އިންތިހާބެއް ކަށަވަރުވާނެ ކަމަށެވެ. އަދި މި ބަދަލުގެ ސަބަބުން އެއް ޕާޓީއަކަށް ހުރިހާ ބާރުތަކެއް ލިބިގެންދާ “ސުޕަރ މެޖޯރިޓީ” ގެ ނިޒާމު ނެތިގޮސް، މަޖިލީހުގެ ތެރެއިން ސަރުކާރު ފުރިހަމައަށް ޖަވާބުދާރީ ކުރުވުމުގެ ފުރުސަތު ބޮޑުވާނެ ކަމަށްވެސް އެމަނިކުފާނު ފާހަގަކުރެއްވިއެވެ. ރައީސް އިތުރަށް ވިދާޅުވީ އެމަނިކުފާނު މަސައްކަތްޕުޅު ކުރައްވަނީ ސިޔާސީ މަގުބޫލުކަމަށްވުރެ ބޮޑަށް ގައުމުގެ މުސްތަގުބަލަށް ފައިދާހުރި އިސްލާހީ ބަދަލުތައް ގެނައުމަށް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0