Read Time:1 Minute, 52 Second
ރިޔާސީ އިންތިހާބާއި މަޖިލިސް އިންތިހާބު އެއް ދުވަހެއްގައި ބޭއްވުމަށް ނިންމެވީ ސުޕަމެޖޯރިޓީގެ ނިޒާމު ނައްތާލައި، މަޖިލީހަކީ ސަރުކާރު ޖަވާބުދާރީކުރުވޭނެ މިނިވަން މުއައްސަސާއަކަށް ހެދުމަށް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް ވިދާޅުވި ގޮތުގައި މިހާރު އޮންނަ އުސޫލުން ސަރުކާރު ހޮވޭ ފަހުން މަޖިލިސް އިންތިހާބު ބޭއްވުމުން، މިނިވަން އިންތިހާބަކަށް އޮންނަ ފުރުސަތު ކުޑަވެ، ސަރުކާރުގެ ނުފޫޒު އިންތިހާބަށް ފޯރައެވެ. ނަމަވެސް ދެ އިންތިހާބު އެއްކޮށް ބޭއްވުމުން، ވެރިކަމަށް އަންނާނީ ކޮން ބޭފުޅެއްކަން ނޭނގި ތިބެ ރައްޔިތުން މަޖިލީހަށް މެމްބަރުން އިންތިހާބުކުރުމުން، އެކި ޕާޓީތައް ތަމްސީލުވާނެހެން މަޖިލިސް އެކުލަވާލުމުގެ ފުރުސަތު ބޮޑުވާނެއެވެ. މީގެ އިތުރުން، ވޭޕް މަނާކުރުން ފަދަ ނިންމުންތަކަކީ ވެސް އަމިއްލަ ސިޔާސީ ފައިދާއަށް ވުރެ ގައުމުގެ މުސްތަގުބަލަށްޓަކައި ނިންމަވާފައިވާ ނިންމުންތަކެއް ކަމަށް ރައީސް ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0