Read Time:2 Minute, 12 Second
(ފޮޓޯ ކްރެޑިޓްސް: އެޗްޑީސީ)
އެޗްޑީސީގެ ޚިދުމަތްތައް މުޅި ރާއްޖެއަށް ފުޅާކުރުމުގެ މައިގަނޑު އަމާޒަކީ ސަރުކާރުގެ ބޯހިޔާވަހިކަމުގެ ސިޔާސަތުތައް ތަންފީޛުކުރުން ކަމަށް އެ ކުންފުނީގެ މެނޭޖިން ޑިރެކްޓަރ އަލީ ޒުހައިރު ވިދާޅުވެއްޖެއެވެ. ކުޅުދުއްފުށީ ސިޓީގައި 2000 ހައުސިން ޔުނިޓް ތަރައްޤީކުރުމުގެ މަޝްރޫޢު ފައްޓަވައިދެއްވަމުން އޭނާ ވިދާޅުވީ، މިއީ މާލެ ސަރަޙައްދުން ބޭރުގައި އެޗްޑީސީން ހިންގާ މިފަދަ އެންމެ ބޮޑު މަޝްރޫޢު ކަމަށެވެ. އަދި ހުޅުމާލެ ތަރައްޤީކުރުމުގައި އެޗްޑީސީން ހޯދާފައިވާ 25 އަހަރުގެ ތަޖުރިބާއާއި ފަންނީ ޤާބިލުކަން މިހާރު އަތޮޅުތެރެއަށް ފޯރުކޮށްދޭން ފަށާފައިވާކަން އޭނާ ފާހަގަކުރެއްވިއެވެ.
ރައީސުލްޖުމްހޫރިއްޔާގެ އިރުޝާދުގެ ދަށުން ޖުމްލަ 10 ރަށެއްގައި 3960 ހައުސިން ޔުނިޓް އެޅުމަށް އެޗްޑީސީއާ ވަނީ ހަވާލުކޮށްފައެވެ. އޭގެ ތެރެއިން ކުޅުދުއްފުށީގައި އަޅާ 14 ބުރީގެ 13 ޓަވަރުގައި ހިމެނޭނީ ޖާގަ ތަނަވަސް، ޒަމާނީ ފެންވަރުގެ 3 ކޮޓަރީގެ އެޕާޓްމެންޓުތަކެވެ. އެޗްޑީސީން ކަނޑައަޅާފައިވަނީ ކަނޑައެޅިފައިވާ މުއްދަތަށް މި މަޝްރޫޢުތައް ނިންމައި، ރައްޔިތުންނަށް ބޯހިޔާވަހިކަން ފޯރުކޮށްދިނުމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0