Read Time:2 Minute, 27 Second
ފޮޓޯ ކްރެޑިޓްސް: ރައީސް އޮފީސް)
ބޭންކް އޮފް މޯލްޑިވްސްގެ ޚިދުމަތްތައް ފުޅާކުރުމުގެ ގޮތުން ރާއްޖޭގެ އެކި ސަރަހައްދުތަކުގައި އަލަށް ގާއިމްކުރި 6 ބްރާންޗާއި ޑޮލަރު އޭޓީއެމްތައް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިފްތިތާޙްކޮށްދެއްވައިފިއެވެ. އަލަށް ހުޅުވި ބްރާންޗްތަކުގެ ތެރޭގައި ހަނިމާދޫ، ކުޅުދުއްފުށި، ތޮއްޑޫ، ވިލުފުށި، ހިތަދޫ އަދި ހުޅުދޫ ހިމެނޭއިރު، މީގެ ތެރެއިން ކުޅުދުއްފުށީގައި ހުޅުވީ ވިޔަފާރިތަކަށް ޚާއްސަ ބިޒްނަސް ސެންޓަރެކެވެ. ބޭންކުގެ އަމާޒަކީ ޑިޖިޓަލް ޚިދުމަތްތަކާއެކުވެސް ކަސްޓަމަރުންނާ ގާތުން މަސައްކަތްކޮށް، މުވައްޒަފުން މެދުވެރިކޮށް ގޭގެއަށާއި ވިޔަފާރިތަކަށް ޒިޔާރަތްކޮށް މައުލޫމާތާއި ހޭލުންތެރިކަން އިތުރުކުރުމެވެ.
މީގެ އިތުރުން ރާއްޖޭގެ ހުރިހާ އަތޮޅެއް ހިމެނޭހެން 70 ޑޮލަރު އޭޓީއެމްއާއި 20 ރުފިޔާ އޭޓީއެމް ވަނީ އިފްތިތާޙްކޮށްފައެވެ. ސަރުކާރުގެ “މުޅި ރާއްޖޭގައި އޭޓީއެމް” މަޝްރޫއުގެ ދަށުން 9 މަސްދުވަހުގެ ތެރޭގައި މީހުން ދިރިއުޅޭ ހުރިހާ ރަށެއްގައި އޭޓީއެމް ބަހައްޓާ ނިންމުމުން، އަސާސީ ބޭންކިންގ ޚިދުމަތް ހުރިހާ ރަށަކަށް މިހާރު ލިބިގެންދާނެއެވެ. މިއާއެކު 2023 ވަނަ އަހަރު 73 ރަށެއްގައި ހުރި އޭޓީއެމްގެ އަދަދު މިހާރު ވަނީ 187 ރަށަކަށް އިތުރުވެ، ޖުމްލަ 340 އޭޓީއެމްއަށް ފުޅާވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0