Read Time:2 Minute, 5 Second
ބ. ދަރަވަންދޫ އެއަޕޯޓުގެ އައު ޓާމިނަލް ތަރައްޤީކުރުމުގެ މަސައްކަތް ފެށުމަށް ބޭއްވި ރަސްމިއްޔާތުގައި، ދަތުރުފަތުރާއި މަދަނީ އުދުހުންތަކާ ބެހޭ ވަޒީރު މުޙައްމަދު އަމީން ވިދާޅުވީ، މި މަޝްރޫޢަކީ އަތޮޅުގެ އިޤްތިޞާދާއި ދަތުރުފަތުރުގެ ނިޒާމް ހަރުދަނާކުރުމަށް ރައީސުލްޖުމްހޫރިއްޔާ ގެންގުޅުއްވާ މުހިއްމު ތަޞައްވަރެއް ކަމަށެވެ. ބ. އަތޮޅަކީ ފަތުރުވެރިކަމުގެ ބޮޑު މަންޒިލަކަށް ވެފައި، ދަރަވަންދޫ އެއަޕޯޓަކީ ރާއްޖޭގައި އެންމެ ގިނަ ފްލައިޓް މޫވްމަންޓް އޮންނަ އެއް އެއަޕޯޓަށް ވާއިރު، މިހާރު ހުރި ޓާމިނަލްގެ ޖާގަ ކުޑަވުމުން އެތަން ޒަމާނީ ފެންވަރަށް ތަރައްޤީކުރަން ޖެހިފައިވާކަން ވަޒީރު ފާހަގަކުރެއްވިއެވެ. އައު ޓާމިނަލްއާއެކު ޚިދުމަތުގެ ފެންވަރު ރަނގަޅުވެ، ޓާމިނަލްގެ ޖާގަ ދެގުނަ އިތުރުވެގެންދާނެ ކަމަށާއި، ސަރުކާރުގެ އަމާޒަކީ ދަތުރުފަތުރުގެ ނިޒާމަކީ ފަސޭހަ އަދި އަވަސް ޚިދުމަތަކަށް ހެދުން ކަމަށްވެސް ވަޒީރު ވިދާޅުވިއެވެ. މީގެއިތުރުން އެއަޕޯޓް ހިންގުން އައިލޭންޑް އޭވިއޭޝަނާ ހަވާލުވުމުން އިތުރު ކުރިއެރުންތައް ލިބޭނެކަން ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0