Read Time:1 Minute, 51 Second
(ފޮޓޯ ކްރެޑިޓްސް: ބީޢެމްއެލް)
ސަރުކާރުގެ ޓީބިލްގައި އިންވެސްޓްކުރުމުގައި ބޭންކް އޮފް މޯލްޑިވްސް (ބީއެމްއެލް) އިން އަމަލުކުރަނީ ބޯޑުން ކަނޑައަޅާފައިވާ ރިސްކް މިންގަނޑުތަކާ އެއްގޮތަށް ކަމަށް އެ ބޭންކުގެ ސީއީއޯ މުޙައްމަދު ޝަރީފް ވިދާޅުވެއްޖެއެވެ. ބޭންކުން ޓީބިލަށް އިންވެސްޓްކުރަނީ އިތުރުވެފައި ހުންނަ ފައިސާ ރިސްކު ކުޑަ ކަންކަމުގައި ބޭނުންކުރުމުގެ ގޮތުން ކަމަށާއި، މި ފަހަކަށް އައިސް ފެންނަ ބޮޑު އަދަދުތަކަކީ މުޅިން އަލަށް ކުރި އިންވެސްޓްމަންޓްތަކެއް ނޫން ކަމަށް އޭނާ ފާހަގަކުރެއްވިއެވެ. މީގެ ތެރޭގައި ގިނައީ ކުރިން ކޮށްފައިވާ އިންވެސްޓްމަންޓްތައް އާކުރުމާއި، ބޭންކުގެ މާލީ ހާލަތު ރަނގަޅުކުރުމަށްޓަކައި ރުފިޔާގެ ޓީބިލްތައް ޑޮލަރު ބޮންޑަށް ބަދަލުކުރުން ފަދަ މުއާމަލާތްތަކެވެ. އަދި ޓީބިލްގައި އިންވެސްޓްކުރާ މިންވަރު އަބަދުވެސް ހުންނަނީ ބޭންކުގެ ކެޕިޓަލްއާ އަޅާބަލާއިރު އެއްވަރެއްގައި ހިފެހެއްޓިފައި ކަމަށްވެސް ސީއީއޯ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0