Read Time:1 Minute, 55 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ބ. ދަރަވަންދޫ އެއާޕޯޓުގެ ޓާމިނަލް ބޮޑުކުރުމުގެ އަމަލީ މަސައްކަތް، ދަތުރުފަތުރާއި މަދަނީ އުދުހުންތަކާ ބެހޭ ވަޒީރު މުޙައްމަދު އަމީން ރަސްމީކޮށް ފައްޓަވައިދެއްވައިފިއެވެ. މި މަޝްރޫޢުގެ ދަށުން އެއާޕޯޓު ހިންގުން އައިލެންޑް އޭވިއޭޝަނާ ޙަވާލުކޮށް، 814 އަކަމީޓަރުގެ ޖާގަ އިތުރުކުރުމަށް ވަނީ ނިންމާފައެވެ. އާ ޓާމިނަލް ފަރުމާކޮށްފައިވަނީ ކަނޑުއަޑީގެ ރީތި މަންޒަރުތައް ދައްކުވައިދޭ ޒަމާނީ ބަދަލުތަކާއެކު، އެއްފަހަރާ 175 ފަސިންޖަރުންނަށް ޚިދުމަތް ދެވޭނެ ގޮތަށެވެ. މީގެ އިތުރުން އެރައިވަލް އަދި ޑިޕާޗަރ ހޯލް ބޮޑުކުރުމާއި، ލައުންޖަކާއި، ބޭބީ ކެއަރ ފެސިލިޓީއެއްގެ އިތުރުން ސެލްފް ސަރވިސް ކިއޮސްކްތައް މި މަޝްރޫޢުގެ ދަށުން ގާއިމުކުރެވޭނެއެވެ. މިއީ ބ. އަތޮޅުގެ ފަތުރުވެރިކަން ކުރިއެރުވުމަށާއި ރައްޔިތުންނަށް ދަތުރުފަތުރުގެ ލުއިފަސޭހަކަން ހޯދައިދިނުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެވަޑައިގެންފައިވާ ރިޔާސީ ވަޢުދުފުޅެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0