Read Time:2 Minute, 20 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މާލީ ވުޒާރާގެ ތަފާސްހިސާބުތަކުން ދައްކާގޮތުގައި މިދިޔަ އަހަރާ އަޅާބަލާއިރު މިއަހަރުގެ މާރިޗު 26 އާ ހަމައަށް ދައުލަތަށް ލިބުނު އާމްދަނީ 10.2 އިންސައްތަ އިތުރުވެ، 10.6 ބިލިޔަން ރުފިޔާއަށް ވަނީ އަރާފައެވެ. އާމްދަނީގެ ބޮޑުބައެއް ހިއްސާކުރަނީ ޓެކުހުން ލިބުނު 8.6 ބިލިޔަން ރުފިޔާއެވެ. މީގެ ތެރެއިންވެސް އެންމެ ބޮޑު ކުރިއެރުމެއް ލިބިފައިވަނީ ޓޫރިޒަމް ދާއިރާގެ ޓީޖީއެސްޓީންނެވެ. މީގެ އިތުރުން ރިސޯޓުތަކުގެ ބިމު ކުލީގެ ގޮތުގައި ލިބުނު އާމްދަނީވެސް ވަނީ އިތުރުވެފައެވެ.
އާމްދަނީ އިތުރުވި ނަމަވެސް، ދައުލަތުގެ ޚަރަދުތައް ވަނީ 8.6 އިންސައްތަ ދަށްވެފައެވެ. މިހާތަނަށް ކުރި 8.4 ބިލިޔަން ރުފިޔާގެ ޚަރަދުގެ ތެރެއިން އެންމެ ބޮޑު ހޭދައެއް ކޮށްފައިވަނީ މުވައްޒަފުންގެ މުސާރައާއި ޕެންޝަނަށެވެ. އަދި ބިން ހިއްކުމާއި އިމާރާތްކުރުން ފަދަ ތަރައްޤީގެ މަޝްރޫއުތަކަށް ކުރި ހޭދަ މިދިޔަ އަހަރަށްވުރެ ވަނީ ވަރަށް ބޮޑަށް އިތުރުވެފައެވެ. މާލީ ރައްކާތެރިކަން ކަށަވަރުކުރުމަށް ސޮވެރިންގް ފަންޑަށްވެސް ފައިސާ ޖަމާކޮށްފައިވާއިރު، ޚަރަދު ކުޑަކުރުމަށް ކުރާ މަސައްކަތުން ކުރިއަށް އޮތް ތަނުގައި މާލީ ހާލަތު އިތުރަށް ރަނގަޅުވާނެ ކަމަށް ލަފާކުރެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0