Read Time:2 Minute, 14 Second
ބޭންކް އޮފް މޯލްޑިވްސް (ބީއެމްއެލް) އިން ބޯނަސް ހިއްސާ ދޫކުރުމަށާއި ހިއްސާ ބައިކުރުމަށް ނިންމުމާ ގުޅިގެން ރާއްޖޭގެ ކެޕިޓަލް މާކެޓަށް ތާރީޚީ ބޮޑު ކުރިއެރުމެއް ލިބިއްޖެއެވެ. މި ނިންމުމާއެކު މޯލްޑިވްސް ސްޓޮކް އެކްސްޗޭންޖުގެ މާކެޓް ކެޕިޓަލައިޒޭޝަން 33 ބިލިޔަނުން 62 ބިލިޔަން ރުފިޔާއަށް އުފުލިފައިވާއިރު، ބީއެމްއެލް ވަނީ ރާއްޖޭގައި ލިސްޓުކޮށްފައިވާ އެންމެ ބޮޑު ކުންފުންޏަށް ވެފައެވެ.
މި ބަދަލުގެ ސަބަބުން ހިއްސާގެ މާކެޓު އަގު އަތްފޯރާ ފަށަށް ތިރިވެ، ލިކުއިޑިޓީ އިތުރުވުމުން އައު އިންވެސްޓަރުންނަށާއި ޒުވާނުންނަށް މާކެޓުގައި ބައިވެރިވުމުގެ ފުރުސަތު ވަނީ ފުޅާވެފައެވެ. މިއީ ދިގު މުއްދަތަށް އިންވެސްޓްކޮށްފައިވާ ފަރާތްތަކަށް ބޮޑު ފައިދާއެއް ލިބިގެންދާނެ ކަމެއް ކަމަށް ސްޓޮކް އެކްސްޗޭންޖުން ފާހަގަކުރެއެވެ. އަދި ބީއެމްއެލްގެ މި ނިންމުމަކީ ލިސްޓުކޮށްފައިވާ އެހެން ކުންފުނިތަކަށްވެސް، ކެޕިޓަލް ރީސްޓްރަކްޗަރިން މެދުވެރިކޮށް މާކެޓު ހަރަކާތްތެރިކުރެވިދާނެ ގޮތުގެ ރަނގަޅު މިސާލެކެވެ. މިއީ ރާއްޖޭގެ ކެޕިޓަލް މާކެޓު ތަރައްޤީކޮށް، އިންވެސްޓަރުންގެ ޝައުޤުވެރިކަން އިތުރުކުރުމަށް އެޅުނު ވަރަށް މުހިންމު ފިޔަވަޅެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0