Read Time:1 Minute, 35 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މިއަހަރުގެ މާރިޗް 19ގެ ނިޔަލަށް ސޮވަރިން ޑިވެލޮޕްމަންޓް ފަންޑު (އެސްޑީއެފް) އަށް 425.1 މިލިޔަން ރުފިޔާ ޖަމާކޮށްފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު %8.6 އިތުރު އަދަދެކެވެ. ދަރަނި އަދާކުރުމަށް މިއަހަރު މިހާތަނަށް 809.6 މިލިޔަން ރުފިޔާ ހޭދަކޮށްފައިވާއިރު، ސަރުކާރުގެ އަމާޒަކީ އިތުރު ދަރަނި ނުނަގައި އެސްޑީއެފް މެދުވެރިކޮށް ދަރަނި ދެއްކޭނެ އިންތިޒާމު ހަރުދަނާކުރުމެވެ. 2016 ވަނަ އަހަރު އުފެއްދި މި ފަންޑަށް މައިގަނޑު ގޮތެއްގައި ފައިސާ ޖަމާކުރަނީ އެއާޕޯޓް ޑިވެލޮޕްމަންޓް ފީ އާއި އެމްއޭސީއެލްގެ ޑިވިޑެންޑްގެ އިތުރުން އެއާޕޯޓްގެ ބައެއް ޚިދުމަތްތަކުން ލިބޭ އާމްދަނީންނެވެ. މިއީ ކުއްލި ހާލަތްތަކާއި ބޮޑެތި ލޯނުތައް އަނބުރާ ދެއްކުމަށް ޚާއްޞަކޮށްގެން ބަލަހައްޓާ ފަންޑެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0