Read Time:2 Minute, 15 Second
(ފޮޓޯ ކްރެޑިޓްސް: ރޮއިޓާރސް)
އެމެރިކާއާއި ޔަހޫދީން ގުޅިގެން އީރާނާ ދެކޮޅަށް ކުރަމުންދާ ހަނގުރާމައަށް މަހަކަށްވުރެ ގިނަ ދުވަސް ވެފައިވާއިރު، އީރާނުން ބަންދުކޮށްފައިވާ ހުރްމުޒް ކަނޑުއޮޅި ހުޅުވުމުގެ ގާބިލުކަން އެމެރިކާއަށް ލިބިފައިނުވާކަން ރައީސް ޑޮނަލްޑް ޓްރަމްޕް ގަބޫލުފުޅުކުރައްވާކަން ވަނީ ހާމަވެފައެވެ. މި ހަނގުރާމައިގެ ސަބަބުން ދުނިޔޭގެ ތެލުގެ ބާޒާރަށާއި އެމެރިކާގެ އިގުތިސާދަށް ބޮޑެތި ލޮޅުންތަކެއް އަރަމުންދާއިރު، ކަނޑުއޮޅި ނުހުޅުވުނު ނަމަވެސް ހަނގުރާމަ ހުއްޓާލުމަށް ޓްރަމްޕް ތައްޔާރަށް ހުންނެވި ކަމަށް ރިޕޯޓްތައް ބުނެއެވެ. އެމެރިކާއިން އީރާނުގެ އާންމުންނަށް އަމާޒުކޮށް ލާއިންސާނީ ހަމަލާތައް ދެމުންދިޔަ ނަމަވެސް، އީރާނުގެ ވަރުގަދަ ދިފާއީ ބާރުގެ ކުރިމަތީގައި އެމެރިކާއަށް ވަނީ ނާކާމިޔާބީއާ ކުރިމަތިލާން ޖެހިފައެވެ. މީގެ އިތުރުން އީރާނުން ވަނީ އެ ސަރަހައްދުގެ ފުރިހަމަ ބާރު އެގައުމަށް އޮތްކަން ހާމަކޮށް، އެމެރިކާގެ އިސްތިއުމާރީ ބާރުތައް ސަރަހައްދުން ބޭރުކުރުމަށް ގޮވާލާފައެވެ. އީރާނުގެ ސާބިތުކަމުގެ ކުރިމަތީގައި އެމެރިކާގެ ނުކުޅެދުންތެރިކަން ފެންނަމުންދާ ކަމަށް މަސްރަހު ދިރާސާކުރާ ފަރާތްތަކުން ބުނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0