Read Time:4 Minute, 13 Second
ރައްޔިތުންގެ މަޖިލީހަކީ ގަނެވިއްކާ ބާޒަރަކަށްވެއްޖެނަމަ ހާސިލްކުރުން އުޅޭ ތަރައްގީގެ ހާސިލް ނުކުރެވޭނެ ކަމަށް ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހުމަދު ނާޒިމް ވިދާޅުވެއްޖެއެވެ.
ގާނޫނު އަސާސީގެ މާއްދާތަކަށް ގެނައުމަށް ހުށަހަޅާފައިވާ އިސްލާހަަށް މިއަދު ބަހުސް ކުރައްވަމުން ނާޒިމް ވިދާޅުވީ އެ ބިލަކީ ވަރަށް މުހިންމު ބިލެއް ކަމަށެވެ. މިއަދު ލިބިފައިވާ ފުރުސަތަކީ ވަރަށް މުހިންމު ތިން ކަމެއްގައި ލިބިފައިވާ ފުރުސަތެއް ކަމަށް ވިދާޅުވިއެވެ.
” ފުރަތަމަ ކަމަކީ އަޅުގަނޑުމެންގެ ކަނޑުގެ ސަރަހައްދުގެ ބަޔާންކޮށްފައިވާ އޮތުމަށް އެއްވެސް ކަހަލަ ބަދަލެއް އަންނަ ކަމަށްވަނަމަ އެކަމަކީ ރައްޔިތުންގެ މަޖިލީހުގެ ރުހުން ލިބިގެން ކުރެވޭ ކަމެއް ކަމަށް ބަދަލުކުރުން. މިއީ ގައުމިއްޔަތާއި އިގްތިސޯދާއި ލެޔާއި ގުޅިފައިވާ ކަމެއް.” ނާޒިމް ވިދާޅުވިއެވެ.
އަނެއް އިސްލަހަކީ ރައްޔިތުންގެ މަޖިލީހުގެ މެންބަރުންގެ ގޮނޑި ގެއްލުމާއި ގުޅޭ އިސްލާހު ކަމަށް ވިދާޅުވިއެވެ. އެކަމުގެ ފަސް ފަހަތަށް ބަލާއިރު އެންޓި ޑިފެކްޝަން ގާނޫނުގެ ގޮތުގައި ވޭދުވެދިޔަ މަޖިލީހުން ފާސްކޮށްފައިވާ ގާނޫނަކީ އެ ގާނޫނަށް ގާނޫނު އަސާސީގެ ބެލެނިވެރިކަން ލިބިދީފައިވާ ގާނޫނެއް ނޫން ކަމަށް ނާޒިމް ވިދާޅުވިއެވެ. އެ ގާނޫނަކީ އެއްވެސް ދަތެއް ނެތް ސިންގާއެއްގެ ގޮތުގައި ސިފަކުރެވޭނެ ކަމަށް ވިދާޅުވިއެވެ. ސަބަބަކީ ގާނޫނު އަސާސީގައި މަޖިލީހުގެ ގޮނޑި ގެއްލޭނެ ހާލަތު ބަޔާންކޮށްފައިވާއިރު އޭގެން ހާލަތަކަށް ބައްދަލު ނުވާ ގޮތަށް ގާނޫނު އޮތް ކަމަށް ވިދާޅުވިއެވެ. ނާޒިމް ވިދާޅުވީ އެ ގާނޫނުގައި ގާނޫނު އަސާސީގެ ހިޔާވަހިކަން ލިބިދީފައި ނެތް ކަމަށެވެ.
“އަޅުގަނޑުމެން ޖެހޭ ގައުމު މިހާރަށްވުރެ ރަނގަޅު ހިސާބަކަށް ގެންދާ ކަމަށްވާނަމަ މަޖިލިސް ތެރޭގައި އިތުބާރާއި ޔަގީންކަން ގާއިމްކުރުން. މަޖިލީހަކީ ގަނެވިއްކާ ބާޒާރެއް ކަމަށްވާނަމަ ހާސިލްކުރަން އުޅޭ ތަރައްގީއެއް ހާސިލް ނުކުރެވޭނެ،”. ނާޒިމް ވިދާޅުވިއެވެ.
ނާޒިމް ވިދާޅުވެފައިވަނީ ވަކި ރައީސް އަކަށް ތާއީދުކޮށް އެ ޕާޓީގެ ޓިކެޓްގައި މަޖިލީހަށް ހޮވުމަށް ފަހުގައި ތިބެން ޖެހޭނީ އެ ޕާޓީގައި ކަމަށެވެ. އެންމެ މެންބަރެއްގެ ސަބަބުން މަޖިލީހުގައި ވޯޓެއް އެނބުރިގެން ދިޔަ މަންޒަރު މާޒީން ފެނިފައިވާ ކަމަށް ފާހަގަކުރެއްވެވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0