Read Time:2 Minute, 12 Second
(ފޮޓޯ ކްރެޑިޓްސް: ޕީއެސްއެމް ނިއުސް)
އިންތިޚާބުތަކާ ދިމާކޮށް ދައުލަތުގެ ވަޞީލަތްތައް ނަހަމަ ގޮތުގައި ބޭނުންކުރުން ހުއްޓުވުމަށް ލާމަރުކަޒީ ޤާނޫނަށް ގެނައި އިސްލާޙަކީ ކޮރަޕްޝަން މަދުކުރުމަށް އެޅުނު މުހިންމު ފިޔަވަޅެއް ކަމަށް އެންޓި ކޮރަޕްޝަން ކޮމިޝަނުން (އޭސީސީ) ވިދާޅުވެއްޖެއެވެ. އޭސީސީން ފާހަގަކުރެއްވި ގޮތުގައި، މީގެކުރިން އިންތިޚާބުތަކާ ކައިރިކޮށް ކައުންސިލްތަކުގެ މަޤާމާއި ވަޞީލަތްތައް ބޭނުންކޮށްގެން ވަޒީފާ ދިނުމާއި، ބިން ކުއްޔަށް ދިނުން ފަދަ ނާޖާއިޒު މަންފާ ހޯދުމުގެ މައްސަލަތައް ގިނައިން ހުށަހެޅެއެވެ. ނަމަވެސް، މިދިޔަ އަހަރު ޢަމަލުކުރަން ފެށި އައު އިސްލާޙުގެ ދަށުން، ކައުންސިލްތަކުގެ ދައުރުގެ ފަހު އަހަރު މުވައްޒަފުން ނެގުމާއި، ބިން ކުއްޔަށް ދިނުން އަދި އައު މަޝްރޫޢުތައް ފެށުމުގައި ވަކި އުސޫލުތަކަކަށް ތަބާވާންޖެހޭތީ މިފަދަ ކަންކަން މަދުވާނެއެވެ. މީގެއިތުރުން، ކުރިއަށް އޮތް ލޯކަލް ކައުންސިލް އިންތިޚާބަށް ތައްޔާރުވުމުގެ ގޮތުން، އިންތިޚާބީ ކުށްތަކަށް އާންމުން ހޭލުންތެރިކުރުވުމުގެ މަސައްކަތް އިލެކްޝަންސް ކޮމިޝަނާ ގުޅިގެން ކުރަމުންދާ ކަމަށްވެސް އޭސީސީން މަޢުލޫމާތު ދެއްވައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0