
(ފޮޓޯ ކްރެޑިޓްސް: ރައީސް އޮފީސް)
ތުޅާދޫގައި 100 ފްލެޓު އިމާރާތްކުރުމުގެ މަޝްރޫޢެއް މިއަހަރު ހިންގަވާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ތުޅާދޫ ރައްޔިތުންނާ ބައްދަލުކުރައްވާ ދެއްކެވި ވާހަކަފުޅުގައެވެ. މާޅޮސްމަޑުލު ދެކުނުބުރީ ތުޅާދޫގެ ރައްޔިތުންނާ ބައްދަލުކުރައްވާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އެރަށުގެ ތަރައްޤީއަށް މުހިންމު ވަޢުދުތަކެއް ވެފައިވާކަން ފާހަގަކުރައްވައި އެ ހުރިހާ ވަޢުދެއް، ފުއްދުމަކީ އެންމެ އިސް ޒިންމާކަމަށް ވިދާޅުވެފައެވެ. އަދި އެއީ މުޅި ސަރުކާރުން ސަމާލުކަން ދީގެން ކުރާކަމެއްކަމަށާއި، އެކި މަޝްރޫޢުތައް ކުރިއަށްދަނީ އެކި ދުވަސްވަރު ފަހިކުރެވޭ މަސައްކަތުންކަމަށްވެސް ރައީސް ވިދާޅުވިއެވެ.

(ފޮޓޯ ކްރެޑިޓްސް: ރައީސް އޮފީސް)
ރައީސްގެ ވާހަކަފުޅުގައި ތުޅާދޫގެ މަގުހެދުން މިހާރު އާރުޑީސީއާ ހަވާލުކޮށްފައިވާކަން ފާހަގަކުރައްވަމުން ވިދާޅުވީ، އެ މަސައްކަތްވެސް ވަރަށް އަވަހަށް ފެށި ކާމިޔާބުކަމާއެކު ނިންމަވައިދެއްވާނެކަމަށެވެ. ރައީސްގެ އެއް ވަޢުދަކީ ގެދޮރު ބިނާކުރުންކަމަށާއި، މިދިޔަ ސަރުކާރުގައި ފެށި މަޝްރޫޢުގައި މައްސަލަތަކެއް ހުރެ ކޯޓުން ހުުކުމެއް ކޮށްފައިވާކަމަށް ރައީސް ވިދާޅުވިއެވެ. ވުމާއެކު އެއަށް ކުރެވޭނެ ކަމެއް ސަރުކާރުގައިވެސް ކައުންސިލުގައިވެސް ނެތްކަމަށް ރައީސް ވިދާޅުވިއެވެ. ނަމަވެސް 100 ފްލެޓުގެ އައު މަޝްރޫޢެއް ތުޅާދޫގައި ހިންގަވާނެކަމަށް ރައީސް ވިދާޅުވިއެވެ. މިހާރު އެ މަޝްރޫޢު ޓެންޑަރިންއަށް ހުޅުވާލައި ބަޔަކު ކުރިމަތިލާފައިވާކަމަށްވެސް އެމަނިކުފާނު ވިދާޅުވިއެވެ.
އެ މަޝްރޫޢުގެ ޕޮއިންޓު ދިނުން ކުރިއަށްދާނީ ރައްޔިތުން އެދޭގޮތަށް ކައުންސިލުން ކަނޑައަޅާގޮތަށް ވުޒާރާއިން ފާސްކޮށްގެންކަމަށެވެ.

(ފޮޓޯ ކްރެޑިޓްސް: ރައީސް އޮފީސް)
މީގެ އިތުރުން ތުޅާދޫގައި އަމިއްލައަށް ބައެއް ފަރާތްތަކުން ހިއްކާފައިވާ 119 ގޯތި އެބައޮތްކަމަށާއި، އެ ގޯތިތައް އަމިއްލަ ކުރުމަށް ހުށައަޅާފައިވާތީ އެކަންވެސް ކޮށްދެއްވާނެކަމުގެ ޔަޤީންކަން ރައީސް ދެއްވިއެވެ. ރައީސް ވަނީ ސިއްޙީ ދާއިރާއިންނާއި ތަޢުލީމީ ދާއިރާއިން އަދި ކުޅިވަރުގެ ދާއިރާއިންވެސް ވެފައިވާ ވަޢުދުތައް ފުއްދާވާނެކަމުގެ ޔަޤީންކަން ދެއްވާފައެވެ. އޭގެތެރެއިން ގިނަ މަސައްކަތްތައް މިއަހަރު ފެށޭނެކަމަށްވެސް އެމަނިކުފާނު ވިދާޅުވިއެވެ. އެގޮތުން އަންހެނުންގެ ބަލިތަކުގެ ޑޮކްޓަރަކާއި ކުޑަކުދިންގެ ބަލިތަކުގެ ޑޮކްޓަރެއް ވަރަށް އަވަހަށް ތުޅާދޫގައި ޤާއިމްވެތިބެ ޚިދުމަތް ދިނުން ހަމަޖެހޭނެކަމަށް ރައީސް ވިދާޅުވިއެވެ.
“ޖުމްލަކޮށް ސިއްޙީ ދާއިރާ ތަރައްޤީކުރުމަށް އަންނަ އަހަރު ބަޖެޓުގައި މުވައްޒަފުން ހޯދުމާއި ވަސީލަތް ހޯދުންވެސް އެބައޮތް” ރައީސުލްޖުމްހޫރިއްޔާ ވިދާޅުވިއެވެ. މީގެއިތުރުން ޕިކްނިކްދާ ރަށަކަށް އެނބޫދޫ ހަމަޖައްސަން ރައްޔިތުން އެދޭކަން ފާހަގަކުރައްވާ ރައީސް ވަނީ އެރަށް އޮތީ ޓޫރިޒަމަށް 21 އަހަރަށް ދީފައިކަމަށެވެ. ވުމާއެކު ދައުލަތަށް ގެއްލުން ނުވާގޮތަށް އެ ރަށް ޕިކްނިކް ރަށަކަށް ކަނޑައަަޅައިދެއްވާނެކަމަށްވެސް ރައީސް ވިދާޅުވިއެވެ.
ރައީސް ވަނީ ތުޅާދޫގެ ތަރައްޤީއަށް ވެފައިވާ ހުރިހާ ވަޢުދެއް ފުރިހަމަކޮށް ރައްޔިތުންގެ އުންމީދު ހަގީގަތަކަށް ހައްދަވައިދެއްވާނެކަމަށް ވިދާޅުވެފައެވެ.
About Post Author
މާދަމާ ނިއުސް
އިންތިހާބުގެ ދުވަހާއި މަޖިލީހުން ގާނޫނީ ޒިންމާ އަދާކުރުން ގައުމީ މައްސަލައެއް؟
މިހާރު އަމަލުކުރާ ގާނޫނުއަސާސީ އެކުލަވައިލި ރައްޔިތުންގެ ހާއްސަ މަޖިލީހުގެ 261 ވަނަ ޖަލްސާގައި އަޅުގަނޑު ދައްކާފައިވާ ވާހަކަތަކެއް ދާދި މިދާކަށް ދުވަހު ރާއްޖޭގެ އޮންލައިން ނޫހެއްގައި ޝާއިއު...
ކައުންސިލްތައް ބާކީކޮށް، ބާރު ކަނޑުވާލުމަކީ އަޅުގަނޑު ގަބޫލުކުރާ ހަމައެއް ނޫން: ރައީސް
(ފޮޓޯ ކްރެޑިޓްސް: ވަގުތު) ކައުންސިލްތަކުގެ ބާރު ކަނޑުވާލައި ސަރުކާރުން ކަންކަން ކުރުމަކީ ގަބޫލުކުރައްވާ ހަމައެއް ނޫން ކަމަށާއި، ލާމަރުކަޒީ ނިޒާމަށް ފުރިހަމައަށް ތާއީދުކުރައްވާ ކަމަށް...
ސަރުކާރާއި މެންބަރުން އެއް ވަގުތެއްގައި ކަނޑައެެޅުމުން، ނުފޫޒު ފޯރުވުމުގެ ފުރުސަތު ހަނިވާނެ: ރައީސް
(ފޮޓޯ ކްރެޑިޓްސް: ވަގުތު) ރިޔާސީ އިންތިހާބާއި މަޖިލީސް އިންތިހާބު އެއް ދުވަހެއްގައި ބޭއްވުމަށް ގާނޫނުއަސާސީއަށް ގެންނަ އިސްލާހާ ގުޅޭގޮތުން ރައީސް ޑރ. މުހައްމަދު މުއިއްޒު...
ވޭވަށު އައިސް ޕްލާންޓުގެ އަމަލީ މަސައްކަތް ފަށައިފި
މަސްވެރިންނަށް ފަސޭހައިން އައިސް ލިބޭނެ އިންތިޒާމު ހަމަޖެއްސުމަށް ފިޝަރީޒް މިނިސްޓްރީން މިފްކޯ މެދުވެރިކޮށް މ. ވޭވަށުގައި ގާއިމުކުރާ އައިސް ޕްލާންޓުގެ އަމަލީ މަސައްކަތް މިހާރު...
“ވެލާނާ އެއާޕޯޓަކީ ފަތުރުވެރިންނަށް ކުރެވޭ އިތުރު ތަޖުރިބާއެއް”
(ފޮޓޯ ކްރެޑިޓްސް: ވީއެމްސީ) ވެލާނާ އިންޓަރނޭޝަނަލް އެއާޕޯޓަކީ ފަތުރުވެރިންނަށް ލިބޭ އައު ތަޖުރިބާއެއްގެ ގޮތުގައި މަޓީގެ ޗެއަރމަން ހުސެއިން އަފީފް ސިފަކުރައްވައިފިއެވެ. އައިޓީބީ ބާލިން...
އާބާދީއާއި ތަރައްޤީ އެއްފަސްކުރުން: ޙާލަތު ބަދަލުކޮށްލާނެ ބޮޑު މަސައްކަތެއް!
(ފޮޓޯ ކްރެޑިޓްސް: ޕީއެސްއެމް ނިއުސް) އާބާދީ ކުދި ރަށްތަކުން ތަރައްޤީވެފައިވާ ރަށްތަކަށް މީހުން ބަދަލުކޮށް، ވަސީލަތްތައް ހަމަހަމަކުރުމަކީ ސަރުކާރުގެ މުހިންމު ސިޔާސަތެކެވެ. މިގޮތުން ހދ....
